|
Gedicht von Gustel Konze zur Waldhauseinweihung 1950
Grieß Godd zusamme, jung un ald,
Die ihr eisch eugefunne,
Von Omborsch un vom Odewald
Un ah von Wörth do drunne.
Von Eisebach, von Elsefeld,
Vom Glanzschtoffdorf do driwwe,
Aus alle Zone in de Welt
Seun heit die Gäst do hiwwe
Um mitzufeiern unsern Daach
Unds Waldhaus euzuweihe,
Nach all der viele Mieh und Plaach
Sisch heit mit uns zu freie.
E ganz nei Haus, mir schtehn devor,
Werd feierlich heit eugeweiht,
Dann is de Hausherr fuffzisch Johr
Is des vielleicht kah Seldenheit?
Sou hewwe mir e Doppelfäst
Im heil’sche Johr zu feiern,
Drum freit eich mit uns all ihr Gäst
Aus Hesse un aus Bayern.
Guckt eich des neie Waldhaus oh
Vom Keller bis zum Zischel,
Mit zwaa Verandas vornedro
Un breide Fensterflischel.
Des is e wohres Meisterstick,
Fer Grouß und Klaah en Seesche.
Werft uff des Alde mol en Blick,
Des is en Zwersch degesche.
Doch, daß mer kahner niwwerlurt,
Undankbar un vermesse,
Drumm welle mir die Erschtgeburt
Heit ah ni ganz vergesse.
Wann ah der grouße Bruder do
Den klahne mußt verdränge,
Dut doch mansch Herz erinnerungsfroh
Noch an dem Alde hänge.
Was hot des ah scho mitgemacht,
In gut un schlechte Zeite,
Vorm Schtorm un Rääsche, Daach und Nacht
Bedroht von alle Seite.
Es widerschtand em dickste Schnee,
Un ah de greißte Hitze.
Es hielt de Kobb schtets in die Heh
Bam Dunnern un bam Blitze.
Was hewwe mer doch scho do draus
Fer Festschen abgehalde
Mit Kinn und Keschel zooche raus
Die Junge un die Alde.
Wie hot des Schtarkbier, eisgekiehlt
Geschmeckt samt Knobelinsche.
Die Schtadtkapell hot uffgeschbielt
Fern Hannes un fers Finche.
Un zwischedorsch hot dann en Chor
Die Waldes-Ruh gesunge.
Die Weibsleit ziehn de Kuche vor,
die Kinner seun geschbrunge.
Am Männerdisch wädd frisch un froh
En Schafkobb jetzt gedrosche –
Kourzim, fer jeden wor was do,
Fers Herz un fer die Gosche.
Un Owends packt mer eu de Grahm
In alle Kinnerscheese,
Un zooch befriedischt widder hahm,
Weils wärklisch schee gewese.
So wor des frieher, liewe Leit,
An jedem End der Wuche,
Do zooch mer raus voll Seelischkeit,
Erholung hier zu suche.
Un weil des Heisje wor zu klah,
Die viele Leit zu fasse,
Drum schtande Disch noch vornedrah
Fer Gläser, Kriesch und Tasse.
Dann hot mer Notbenk uffgebockt
Un wems am Blatz dut fehle,
Der hot sisch in die Wald gehockt
Löscht dort seu dorschtisch Kehle.
Un reischt in Zukunft nit de Blatz
Im neie Waldhaus drinne,
Sou kann noch mancher mit seum Schatz
Im alde Zuflucht finne.
Sou will isch meine Worte schließe,
Weil des Programm muß weidergehn,
Will noch mol schnell die Gäst begrieße
Un hoff uff baldisch Wiedersehn.
Zur Hauseuweihung mescht isch saache
Es letzte Wort dem Jubilar:
Des Schicksal möschte zu ihm traache
Blouß Glick und Seesche immerdar.
|
